„საქკაბელის“ საწარმოს მ. იაშვილის ბავშვთა ცენტრალური საავადმყოფოს სისხლის ბანკი ქ. ზესტაფონში ეწვია. კომპანიის თანამშრომლები სისხლის დონაციის კამპანიაში ჩაერთნენ, რომლის მიზანსაც ლეიკემიით დაავადებული ბავშვების მხარდაჭერა წარმოადგენდა.
„მოხარული ვართ, რომ ინიციატივის ფარგლებში, მაღალი აქტივობა დაფიქსირდა. „საქკაბელის“ თანამშრომლები აქტიურად ჩაერთნენ სისხლის დონაციის კამპანიაში, რათა საკუთარი წვლილი შეეტანათ ლეიკემიით დაავადებული ბავშვების მხარდასაჭერად. სისხლის ნებაყოფლობითი დონაცია უსაფრთხო და მნიშვნელოვანი პროცესია. მზად ვართ მომავალშიც გამოვუცხადოთ მხარდაჭერა სისხლის ბანკს, რათა შესაძლებელი გახდეს სისხლის კრიტიკული დეფიციტის აღმოფხვრა„ – აცხადებენ „საქკაბელში“.
