“საქკაბელის” თანამშრომლების ერთობლივი ინიციატივით, კომპანიაში წიგნის კლუბი დაფუძნდა, რომლის ფარგლებშიც პირველი დისკუსია “უხილავი თამაშის” ავტორთან, მარი ბექაურთან ერთად შედგა.
შეხვედრის ფარგლებში წიგნის კლუბის წევრებს ავტორთან ერთად მიეცათ შესაძლებლობა განეხილათ წიგნი და დაესვათ მათთვის საინტერესო შეკითხვები.
„როგორც მწერალი და მკითხველი, ძალიან აღმაფრთოვანა იმ ფაქტმა, რომ ორგანიზაციაში არსებობს წიგნის კლუბი, სადაც ადამიანები კითხულობენ, შემდეგ მსჯელობენ და ამ ყველაფერს ერთად განიხილავენ. დიდი სიამოვნებით მოვედი შეხვედრაზე და მადლიერი ვარ, რომ შეხვედრამ ძალიან საინტერესოდ ჩაიარა – განსაკუთრებით საინტერესო კი „საქკაბელის“ წიგნის კლუბის წევრთა დაკვირვებები იყო“, – მარი ბექაური, მწერალი.
წიგნის კლუბის მიზანია ხელი შეუწყოს თანამშრომელთა უწყვეტ განვითარებას საინტერესო და შემეცნებითი შეხვედრების ფარგლებში.
