“საქკაბელმა” სამშენებლო კოლეჯ „კონსტრუქტ2″-ის სტუდენტებს უმასპინძლა. ელექტროობის და შრომის უსაფრთხოებისა და გარემოსდაცვითი ტექნოლოგიების პროფესიული საგანმანათლებლო პროგრამების სტუდენტებმა სასწავლო ვიზიტით “საქკაბელის” საწარმო დაათვალიერეს.
ვიზიტის ფარგლებში, სტუდენტები საწარმოო პროცესს გაეცნენ და კომპანიის საქმიანობის შესახებ დეტალური ინფორმაცია მიიღეს. ამასთან, გაეცნენ კომპანიის შრომის უსაფრთხოებისა და გარემოს დაცვის ნორმებს და აღნიშნული მიმართულებებით “საქკაბელის” მიერ გადადგმული ნაბიჯების შესახებ შეიტყვეს.
შეხვედრის დასასრულს, მონაწილეებმა სფეროს პროფესიონალებთან ერთად რისკების შეფასების აქტივობები განახორციელეს.
“საქკაბელმა” სიამოვნებით უმასპინძლა სასწავლო ვიზიტის ფარგლებში კოლეჯ “კონსტრუქტ2″-ის სტუდენტებს. მონაწილეებს შესაძლებლობა ჰქონდათ, სფეროს პროფესიონალებისგან მიეღოთ ინფორმაცია როგორც „საქკაბელის“ საწარმოო პროცესზე და „საქკაბელის“ მიერ წარმოებულ მრავალფეროვან საკაბელო პროდუქციაზე, ასევე “საქკაბელში” მოქმედი შრომის უსაფრთხოებისა და გარემოსდაცვითი ნორმების შესახებ. მოხარული ვართ, მხარი დავუჭიროთ მომავალი პროფესიონალების განათლებასა და განვითარებას. “საქკაბელისა” და “კონსტრუქტ2”-ის თანამშრომლობის ფარგლებში, მომავალშიც გავაგრძელებთ საგანმანათლებლო და განმავითარებელი აქტივობების განხორციელებას” – აცხადებენ “საქკაბელში”.
