„საქკაბელის” თანამშრომლებმა კომპანია “ანაგის” მიერ ორგანიზებულ საფეხბურთო ტურნირში მონაწილეობა მიიღეს. “ანაგის თასმა” 16 პარტნიორი ბიზნესი გააერთიანა. ტურნირი „ანაგის“ 35 წლის უიბილეს ფარგლებში შედგა.
„მოხარული ვართ, რომ მოგვეცა შესაძლებლობა მიგვეღო მონაწილეობა „ანაგის“ ტურნირში, რომელმაც როგორც მოთამაშეები, ასევე გულშემატკივრები დადებითი ემოციებით დამუხტა. მსგავსი ღონისძიებები ხელს უწყობს ჯანსაღი კონკურენციისა და გუნდურობის განცდის გაძლიერებას. განსაკუთრებით ამაღელვებელი იყო ჩვენი კოლეგების და მათი ოჯახის წევრების შეძახილები და ის მუხტი, რაც გულშემატკივრობისას სუფევდა. „საქკაბელის“ თანამშრომლებმა თავდაუზოგავად ითამაშეს მოედანზე და ტურნირმა ჩვენი გუნდი კიდევ უფრო გააერთიანა. ჩვენ მივესალმებით ყველა იმ ინიციატივას, რომელიც ხელს უწყობს ჯანსაღი ცხოვრების წესის პოპულარიზაციას და ადამიანებს აძლევს შესაძლებლობას, განიტვირთონ და თავიანთი შესაძლებლობები სამუშაო სივრცის მიღმა წარმოაჩინონ“, – აცხადებენ „საქკაბელში“.
