„საქკაბელის“ თანამშრომლებმა ინტელექტუალურ თამაშში, „რა? სად? როდის?“ მონაწილეობა მიიღეს. კომპანია „ანაგის“ მიერ ორგანიზებულმა ჩემპიონატმა სხვადასხვა სექტორიდან 24 პარტნიორი ბიზნესი გააერთიანა. ღონისძიებას ტელეშოუს, „რა? სად? როდის?“ ავტორი და ყველასათვის ნაცნობი ტელეწამყვანი, გიორგი მოსიძე უძღვებოდა.
„ჩვენმა კომპანიამ სიამოვნებით მიიღო მონაწილეობა „ანაგის“ მიერ ორგანიზებულ ინტელექტუალურ თამაშში „რა? სად? როდის?“, რომელიც „შატო მუხრანში“, კომპანია „ანაგის“ 35 წლის იუბილესთან დაკავშირებით შედგა. ჩვენ მომავალშიც აქტიურად ჩავერთვებით მსგავს ინიციატივებში, ვინაიდან ეს წარმოადგენს ძალიან კარგ შესაძლებლობას, მონაწილეებმა განივითარონ პრობლემების გადაჭრის უნარები და ამავდროულად, კიდევ უფრო მჭიდრო კავშირი დაამყარონ კოლეგებთან. სწორედ გუნდურობა და საერთო მიზნისკენ სვლა არის ის, რაც გვაძლევს შესაძლებლობას, მომხმარებელს უმაღლესი ხარისხის, საერთაშრისო სტანდარტის პროდუქცია შევთავაზოთ“, – აცხადებს „საქკაბელის“ სამეთვალყურეო საბჭოს თავმჯდომარე, ედიშერ მამალაძე.
