„საქკაბელის“ წიგნის კლუბის ფარგლებში, ზურა მხეიძესთან შეხვედრა გაიმართა.
შეხვედრაზე სპიკერმა წიგნის “ფსიქიკის თამაშების” ფარგლებში განიხილა, თუ როგორ მუშაობს ადამიანის ფსიქიკა სხვადასხვა სიტუაციაში, რა „ხაფანგებს“ გვიგებს კრიზისები და როგორ დავძლიოთ ისინი. შეხვედრა დინამიკურად წარიმართა და კითხვა-პასუხის ფორმატში გაგრძელდა.
„ორგანიზაციები ძირითადად შეხვედრებს სხვადასხვა მოწვეულ სპიკერებთან ერთად ატარებენ, „საქკაბელში“ განსხვავებული კი ისაა, რომ წიგნის კლუბი შეიქმნა და კონკრეტულ წიგნზე და თემასთან დაკავშირებით ხორციელდება შეხვედრები. ეს ძალიან კარგი და მისასალმებელია, რადგან ორ რამეს უწყობს ხელს – წიგნის კითხვასა და მრავალმხრივ განვითარებას. როდესაც ინტერესი დიდია, მსმენელიც და მომხსენებელიც კმაყოფილია და დრო სასიამოვნოდ გადის. შეხვედრა 3 საათს გაგრძელდა, ეს კი იმაზე მეტყველებს, რომ შეხვედრამ და დისკუსიამ საკმაოდ საინტერესოდ ჩაიარა“, – ზურა მხეიძე.
“საქკაბელის” წიგნის კლუბი თანამშრომლების ერთობლივი ინიციატივით შეიქმნა, რომელიც მიზნად ისახავს საინტერესო და შემეცნებითი დისკუსიებით ხელი შეუწყოს თანამშრომელთა უწყვეტ განვითარებას.
